نوافذ

السبت 05 ديسمبر 2020م - 20 ربيع الثاني 1442 هـ
نوافذ
ADS

نجلة فنان شهير توجه رسالة لزوجة أبيها.. والأخيرة ترد

فنان شهير
ADS
أثارت الإعلامية المصرية أسماء شريف منير، ابنة الفنان شريف منير، إعجاب جمهورها بعد حديثها لأول مرة عن زوجة والدها الفنانة المعتزلة لورا.

ونشرت أسماء صورة لـ"لورا" عبر صفحتها على "إنستغرام"، مؤكدة أنها ليست شريرة ولم تعذبها كما تصور الأفلام العربية، بل على العكس كانت تقف معها دائمًا لمواجهة أي مشكلة.

وعلقت ابنة شريف منير على الصورة التي نشرتها لزوجة والدها قائلة: "الست الجميلة اللي في الصورة دي هي (لورا) مرات ابويا!.. ايه ده هو في مرات أب حلوة كده اومال فين الحوافر والعيون الشريرة".

وأضافت: "مش مرات اب؟ يبقي اكيد لازم تكون شريرة وبتعذب الولاد وبتشغلنا في البيت هههه، ده اللي المجتمع والافلام ديماً بيصدروا.. بس الحقيقة إن الست دي من اطيب واجمل واجدع الستات اللي في الدنيا".

واستكملت: "عمرنا ما اتخانقنا يمكن اختلفنا مرة بس عمرها ما اتعدت علي حقوقنا ولا التزمات ابويا لينا، ام اخواتي او بناتي عشان هما صغنانين، هي عيلتي وحبيبتي، لما بزعل مع ابويا بتقف جنبي حتي لو هيتخانق معاها، انا وهي اصلاً شخصيتنا قريبة من بعض بتفهمني وبتحس بيا".

وكشفت أسباب حديثها عنها لأول مرة منذ زواجها من أبيها، موضحة: "انا عمري ما اتكلمت عنها عشان هي بعدت عن الأضواء من زمان، بس حسيت اني لازم اقولها اني بحبها و بحترمها و اديها حقها".

ووجهت نصيحة إلى كل زوجات الأب بأن تقتدي بالفنانة لورا، مضيفة: "باقول لإي ست لو انتي مرات أب لأولاد لازم تتقي ربنا فيهم و صاحبيهم و حبيهم كأنهم ولادك و ربنا هيجازيكي كل خير و جوزك هيشيلك فوق راسه".

وردت الفنانة المعتزلة لورا على أسماء قائلة: "أنا مكسووووووفة جدآ من الكلام الحلو دة وان انت شايفاني كدة، انت بنت الواحد يفتخر بيها انها بنته لان قلبك ابيض وجدعة وعمرك ما اتمنيتي حاجة وحشه لحد، بحبك يا اسوما".

"الموسيقيين" تشترط على حمو بيكا من أجل الغناء.. ماذا عن شاكوش؟
افتتاح الدورة الرابعة لمهرجان "ميدل إيست فاشون" بحضور النجوم (فيديو)
وتفاعل الجمهور مع منشور أسماء شريف منير، وعبروا عن إعجابهم بالعلاقة الجميلة التي تجمعها بزوجة والدها، وجاءت أبرز التعليقات: "فيها شبه كتير منك ماشاء الله ربنا يديم المودة والمحبة"، ربنا يخليكم لبعض وتعيشوا في سعادة وهنا يارب"، "ماشاء الله ربنا يخليكم كلكم لبعض ديما".
 

إقرأ ايضا